សារមន្ទីរថ្មីហើយប្លែកក្នុងក្រុងសៀមរាប

         

#តោះ_ទៅលេងសៀមរាប_ក្រៅពីប្រាង្គប្រាសាទនៅមានសារមន្ទីរវិមានសុខា #ដែលទើបតែបង្កើតឡើងថ្មីមួយទៀតក្នុងក្រុងសៀមរាប "ជ្រុងមួយនៃអតីតកាល"

បុរសខ្មែរម្នាក់ដែលគេស្គាល់ថា "តាឆ្កួត" ប្រើពេលវេលា២ទសវត្សរ៍ ប្រមូល កង់​ ម៉ូតូ នឹងវត្ថុចាស់ៗ បង្កើតជាសារមន្ទីរដែរ មិននឹកស្មានដល់ ។

ទោះបីជាទើបតែបើកថ្មីៗ ប៉ុន្តែវត្ថុចាស់ៗនៅទីនេះ នឹងនាំអារម្មណ៍អ្នកទស្សនាទាំងអស់ទៅកាន់អតីតកាលមួយដែលមិនឆ្ងាយប៉ុន្មានពីយើង។ កង់ ម៉ូតូ ឡាន ម៉ាស៊ីនថត ទូរស័ព្ទ នាឡិកា ឧបករណ៍ភ្លេង និង វត្ថុប្រើប្រាស់ចាស់ៗជាច្រើន ត្រូវបានប្រមូល មកដាក់តាំងយ៉ាងគួរអោយចាប់អារម្មណ៍ នៅក្នុងផ្ទះវិឡាម៉ូតជំនាន់បារាំង មួយនេះ។ សារមន្ទីរនេះទើបតែបើដំណើរការនៅថ្ងៃទី 17 ខែ សីហា ឆ្នាំ 2020 នេះឯង។

"តាឆ្កួត"ដែលជាម្ចាស់សារមន្ទីនេះ បានចំនាយពេលប្រមាណ 22 ឆ្នាំ (គាត់ចាប់ផ្តើមប្រមូលរបស់ចាស់ៗតាំងពីឆ្នាំ 1998) ដើម្បីប្រមូលរបស់ចាស់ៗទាំងនេះ ពីឈ្មួញនានា ទាំងក្នុងនិងក្រៅប្រទេស។ វត្ថុចំណាស់ខ្លះមានរឿងរ៉ាវដ៏គួរអោយចាប់អារម្មណ៍ជាច្រើន ដែលវាពិតជាកន្លែងដ៏ពិសេសមួយសំរាប់អ្នកដែលចូលចិត្តរបស់ចាស់ៗបែប Vintage រឺ Collector ផ្សេងៗ ។ សំរាប់ក្មេងជំនាន់ ឆ្នាំ90ឡើងទៅ នៅមានរបស់ខ្លះដែលកើតទាន់បានឃើញ តែមានរបស់ខ្លះគឺធ្លាប់បានតែឃើញក្នុងកុន រឺ ឯកសារចាស់ៗ ប៉ុន្តែវាកាន់តែពិសេសសំរាប់ ចាស់ៗដូចជាជំនាន់ម៉ាក់ រឺ ជីដូនជីតាយើង ដែលមានរបស់ជាច្រើន នឹងរំលឹកឡើងវិញនូវ អតីតកាល និង ជីវិតរបស់ពួកគាត់នៅពេលនោះ។ ​

ពេលយើងទៅទស្សនា កន្លែងនោះផ្ទាល់បានដឹងថា ពិតជាប្លែកហើយមានអារម្មណ៍​ រីករាយ និង រំភើបណាស់ពេលបានឃើញ នូវរបស់របរដែលមាននៅជំនាន់90​ មានរបស់ខ្លះយើងធ្លាប់បានឃើញ​​ និងរបស់ខ្លះទៀតយើងមិនទាន់បានឃើញ មានដាក់តាំងបង្ហាញនៅទីនោះទាំងអស់។ ​ ដូចនេះ ខ្ញុំគិតថានេះជាកន្លែងដ៏ល្អមួយសំរាប់នាំ ក្រុមគ្រួសារ ជាពិសេសចាស់ៗ និងខ្លួនឯងផ្ទាល់អោយបានឃើញ ពីវត្ថុចាស់ៗទាំងនោះ និងបានរំលឹកក៏ដូចជាយល់ដឹងបន្ថែមពីអតីតកាល។ សំរាប់ក្មេងៗតូចៗវិញ ទីនេះក៏អាចបង្កើនការយល់ដឹង និង ឃើញពីភាពខុសគ្នា នៃការវិវត្តដ៏សម្បើមរបស់វត្ថុ ទាំងនោះផងដែរ។ សារមន្ទីរ បើកជារៀងរាល់ថ្ងៃ ពីម៉ោង 7 ព្រឹក ដល់ 7ល្ងាច ដែលភ្ញៀវទេសចរណ៍ជាតិត្រូវទិញសំបុត្រចូលទស្សនា តំលៃ ៤០០០ រៀលក្នុងមួយចំណែក​ ភ្ញៀវអន្តរជាតិ តំលៃ​​​​ ​២០០០០ រៀល ក្នុងមួយនាក់ ។ ក្រៅពីនេះ ក៏មានហាងកាហ្វេសារមន្ទីរដែលនៅក្នុងនោះដែរ ដែលមានកន្លែងអង្គុយ និង លក់កាហ្វេ និង ភេសជ្ជៈផ្សេងៗជាមួយតំលៃ សមរម្យ និង ការរៀបចំស្អាតទាក់ភ្នែក។ ចំនាយពេលប៉ុន្មាននៅទីនោះ : ពី 1 ម៉ោងកន្លះ ទៅ 2 ម៉ោង សរុបមក សារមន្ទីរវត្ថុចាស់ៗមួយនេះ គឺជាគោលដៅទស្សនាថ្មីមួយដែល សូមណែនាំទៅអ្នកទាំងអស់គ្នា ទាំងមានរបស់មើលគួរអោយចាប់អារម្មណ៍ ទាំងនៅជិតក្រុង ។ ម៉្យាងទៀតការទៅទស្សនារបស់យើងទាំងអស់គ្នា គឺជាការចូលរួមចំណែកលើកទឹកចិត្ត និង ការបង្ហាញនូវការអោយតំលៃទៅស្ថាបនិក ដែលគាត់ខំចំនាយពេល និង ធនធានរបស់ខ្លួនដើម្បីអោយកូនខ្មែរ ជាពិសេសក្មេងៗជំនាន់ក្រោយទាំងអស់គ្នាបានស្គាល់ និង ឃើញនូវវត្ថុចាស់ៗទាំងនេះ ! យ៉ាងណាដែរ ? អ្នកសៀមរាបបានទៅ ហើយ រឺ នៅ? អាចជួយ ផ្សព្វផ្សាយបន្ត ដើម្បីអោយអ្នកទាំងអស់គ្នាបានស្គាល់ និង ដឹងថាសៀមរាបមានកន្លែងទៅច្រើន ក្រៅពីប្រាសាទ និង Pub Street! ទីតាំង : សារមន្ទីរនេះងាយស្រួលរកទេ យើងអាចជិះតាមផ្លូវក្រោយពេទ្យជ័យវរ្ម័នទី 7 លុះហួសវត្តថ្មី (វត្តក្បាលខ្មោច)មួយផ្លូវ អ្នកនឹងឃើញផ្លាកសារមន្ទីរ បត់ឆ្វេង រឺ ស្វែងរកទីតាំង នៅលើ Google Map: https://bit.ly/329sGNf

#តោះ_ទៅលេងសៀមរាប

#សៀមរាបផ្ទះខ្ញុំ

...